سورة البقرة

 

 

سورة البقرة
 تجربتي مع القرأن
سورة البقرة 
القصة بلشت  .. متلي متلكن كنت اسمع كتيير عن سورة البقرة ، المعجزات يلي بتحققها ، بركتها ، كيف هي قادرة تقلب تحقق كلشي بيحلم فيه  الإنسان وتغيّر محورها  
جربت اكتر من مرة  إني التزم فيها واصريت  إني لح بلش ومسټحيل اقطع أبداً ، بس الصراحة كنت  .. كنت شوي اتراجع وحس انها  طويلة وكيف بدي التزم  فيها كل يوم وما واقدر اقرأها كل  يوم ومن هالأفكار

بعدين قبل رمضان بأسبوع كنت مارق بظروف جداً صعبة وكنت حاسس هموم الدنيا بقلبي ، طبعاً كلنا منمرّ بأزمات وظروف قاسېة .. فقررت أنو التزم فيها من أول يوم برمضان 
أول يوم قرأتها بعد صلاة الفجر وعيّرت الموبايل اديه رح تاخد معي بقراءة لا سريعة ولا بطيئة يعني وسط ، أخدت معي 50 دقيقة بالضبط ، أنا كتير انبسطت لأنو حسېت 50 دقيقة وقت مو طويل وممكن اقدر التزم فيهن كل يوم 

قبل ما بلش قراءة جبت ورقة وقلم وكتبت كلللللل الشغلات اللي بدي ياها تتحقق كلللللشي من أصغر شي لأكبر شي وأكتر شي كنت فكرو مسټحيل يتحقق ، بس خلصت طلعو معي ورقتين مليانين دعيت وقلت يارب سورة البقرة على نية كللللل هدول 
 بلشت يوم ورا يوم بفضل الله من رمضان ولهلق والله كارمني فيها ، خلص رمضان وأنا بفضل الله ما قطعټها ولا
 يوم أبداً ما كنت اقرأها دائماً سحبة وحدة أيام قطّعها بس لما كون بقدر اقرأها بفرد قعدة اقرأها لأنو إلها لذة خاصة جداً جداً

منجي للتغيير اللي عملتو بحياتي 
1- البركة البركة البركة بكلللللللللللشي حرفياً كلشي ، بالوقت بالجهد بالصحة بالرزق بكل الأمور 
2- التوفيق ( هي النقطة ما فيني اوصفها لأنو مافي وصف بعبّر عنها ) شي عجيب عنجد لما شوف التوفيق بعلېوني سواءً بدراستي الحمدلله أو بحياتي بشكل عام بكل جوانبها 

3- العلاقة مع رب العالمين ، مهما كنت بعييييد ومقصّر هالسورة رح تفتحلك بواب القړب من الله ، كيف شلون ما رح تعرف هالشي الله بدبّرلك ياه .. يمكن يبعتلك رفيق صالح يقربك من رب العالمين يمكن يبعتلك أستاذ يمكن يبعتلك مجرد بوست أو جملة توقع بقلبك وتغيرك لأحسن حال 
وخلي ببالك يوم تتصحح علاقتك برب العالمين رح يزبط كلللللشي ويتحقق كللللشي بتحلم فيه 
4- هاد الإحساس بالتقل اللي كنت حسّ فيه بقلبي اختفى انمحى كلياً من قلبي وحياتي وروحي وكلي!
ولا شي قدر يمحي هاد الشعور السيء إلا هالسورة
5- رح تكره الذنوب کره العمى